मुंबई-अहमदाबाद महामार्गावरील लुटालुटीच्या गुन्ह्यातील आरोपीला अटक

जिला प्रतिनिधी गणपति रॉय

मुंबई-अहमदाबाद महामार्गावरील लुटालुटीच्या गुन्ह्यातील आरोपीला अटक; नायगाव पोलिसांची मोठी कारवाई

वसई, मुंबई: मुंबई-अहमदाबाद राष्ट्रीय महामार्गावर मोबाईल फोनची लूट आणि चाकूने वार केल्याच्या घटनेप्रकरणी नायगाव पोलिसांच्या गुन्हे शाखेने शेख अनस सलीम बुटवाला (वय १९) याला अटक केली आहे. २४ जून रोजी चिचोटी उड्डाणपुलाजवळ हा गुन्हा केल्याची कबुली आरोपीने दिली आहे. त्याच्याकडून सुमारे १ लाख रुपये किमतीची, नंबर प्लेट नसलेली 'सुझुकी जिक्सर' (Suzuki Gixxer) मोटारसायकल जप्त करण्यात आली आहे. या प्रकरणाचा पुढील तपास वळीव पोलीस करत आहेत. ही कारवाई पोलीस उपायुक्त अशोक विरकर, सहाय्यक पोलीस आयुक्त नवनाथ घोगरे, वरिष्ठ पोलीस निरीक्षक संजय हजारे आणि पोलीस निरीक्षक अभिजीत मडके यांच्या मार्गदर्शनाखाली करण्यात आली.