लोकशाही दिनात नागरिकांच्या तक्रारींचा आढावा

नंदुरबार (प्रतिनिधी) मोईनोद्दीन शाह -

जिल्हास्तरीय लोकशाही दिन आज जिल्हाधिकारी डॉ. मित्ताली सेठी यांच्या अध्यक्षतेखाली संपन्न झाला. यावेळी नागरिकांकडून प्राप्त झालेल्या एकूण 3 अर्जांचा आढावा घेण्यात आला.

    संबंधित विभागांनी अर्जांवर तात्काळ कार्यवाही करून विहित कालावधीत निपटारा करावा, असे निर्देश जिल्हाधिकारी यांनी दिले. नागरिकांच्या समस्या व तक्रारींचे प्रभावी आणि वेळेत निराकरण करण्यासाठी प्रशासन कटिबद्ध असल्याचे यावेळी स्पष्ट करण्यात आले.

   नागरिकांना पारदर्शक, तत्पर आणि लोकाभिमुख सेवा देण्यासाठी जिल्हा प्रशासन सातत्याने प्रयत्नशील आहे. यावेळी निवासी उपजिल्हाधिकारी आशा सांगवी, जिल्हा पोलीस अधीक्षक श्रीमती अश्विनी सानप, व विविध विभागाचे अधिकारी उपस्थित होते.